A la escuela de Saúnc hem preparau una representasión de guiñol dan una historieta mol conoixeda: el Gall Quirico.
Hem anau a la "Feria de la Educación y el Empleo" de Zaragoza a mostra-la.
Tamé hem preparau un cuentet ta pintá-lo y tallá-lo, y aixines fe un llibret dan ista historieta.
Tanto el cuentet ta pintá com el escrito de la nuestra obra puets descarga-los mes abaixo.
Y així te amostrem el cuentet resumiu:
El Gall Quirico
El Gall Quirico anabe mol content a la boda de su tío Perico.
Pero ba bere un cuquet a una merda y a l‘aná a mincha-se-lo se ba emporquí el pico.
Ba bere una yerba y le ba di:
- Llimpia-me el pico que quero aná a la boda de mi tío Perico.
Pero la yerba no ba querí llimpia-le-ie
A la begada ba bere una güella y le ba di:
- Mincha-te a la yerba, que no me ha queriu llimpiá el pico, y quero aná a la boda de mi tío Perico.
Pero la güella no ba querí mincha-se-la.
A la begada ba bere un tocho y le ba di:
- Péga-le a la güella, que no se ha queriu minchá a la yerba, que no me ha queriu llimpiá el pico, y quero aná a la boda de mi tío Perico.
Pero el tocho n’ol ba querí pegá.
A la begada ba bere un foc y le ba di:
- Crema al tocho, que no le ha queriu pegá a la güella, que no se ha queriu mincha a la yerba, que no me ha queriu llimpiá el pico, y quero aná a la boda de mi tío Perico.
Pero el foc no’l ba querí cremá.
A la begada ba bere a l’aigua y le ba di:
- Amorta el foc, que no ha queriu cremá al tocho, que no le ha queriu pegá a la güella, que no se ha queriu minchá a la yerba, que no me ha queriu llimpia el pico, y quero aná a la boda de mi tío Perico.
Pero el aigua no’l ba querí amortá.
Y aixines ba arribá a la casa de su tío Perico, pero coma llebabe el pico ben puerco de merda ba entrá per la puerta chica de la cosina ta llimpia-se-lo primé.
Allí estaba el cosinero esperan-lo y el ba colá a la casuela tal disná de la boda de su tío Perico.
